2003 Raggle Taggle

Del denne artikkelen

Submit to Facebook

Raggle Taggle-tornado
Haavebua, Lørdag 7. November.

FLORØ: Fredag entra dei irske "sigøynarane" musikkscena i Florø for 6. gong. Med eit energisk sceneshow og ein tornado av festlåtar tok dei publikummet på Haavebua med storm.

071103-Ragle-Tagle

Med kjende låtar som "Whiskey in the jar" og "Raggle Taggle Gypsies" og fleire virvelvindar av nokre reelar og jig'ar leverte irane varene. Dansegolvet var fullt frå start til stopp, og dansande, smilande florøværingar koste seg stort saman med musikarane Kevin O'Connor (fiolin), Brendan Omeihh (vokal, gitar, irsk tromme), Paul Mc Keown, Hernan Podesta og Marcelo Baran.
071103-Ragle-Tagle
Kjell Tore Larsen frå Florø var overlukkeleg då han fekk vere med Raggle Taggle på scena og spele saman med dei. Og instrument fekk han låne på kjøkkenet: spiseskeier. Larsen er ein kløppar til å spele med skeier, og etter ein liten oppvarmingsrunde brygga det opp til ein regelrett musikktornado då han og felespelar Kevin O'Connor kappspelte i eit tempo få kunne halde følgje med.
071103-Ragle-Tagle
Høgdepunktet under fredagens konsert kom likevel då rockeklubbsjef Tor Hjalte entra scena og framførte "The Wall" av Pink Floyd saman med musikarar frå Raggle Taggle Gypsies. Hjalte piska stemninga opp til kokepunktet, og begeistringa hos publikum ville ingen ende ta.

Firdaposten.  11.10.2003  Linda Regina Bruvik

Dette er skrevet om 10 års jubileet